Жатыр жұмыртқалықтың жайылған қатерлі ісігін емдеудегі гипертермиялық ішқуыс химиоперфузиясы (HIPEC): әдебиетке шолу

Аңдатпа

Өзектілігі: Жатыр жұмыртқалықтың эпителиалдық қатерлі ісігі гинекологиялық қатерлі ісіктер арасындағы өлім-жітімнің негізгі себептерінің бірі болып отыр, әсіресе III–IV сатыларда, науқастардың басым бөлігінде перитонеалдық таралу анықталады. Хирургия мен жүйелік химиотерапиядағы жетістіктерге қарамастан, науқастардың 70%-дан астамында рецидив дамиды. Осыған байланысты циторедуктивтік хирургиямен (Cytoreductive surgery, CRS) бірге гипертермиялық ішқуыстық химиоперфузия (Hyperthermic intraperitoneal chemotherapy, HIPEC) әдісін қолдану белсенді зерттелуде.

Зерттеудің мақсаты – клини калық тәжірибеде HIPEC рөлін анықтау үшін аналық без қатерлі ісігінің дамыған және қайталанатын түрлерінде HIPEC тиімділігі, қауіпсіздігі және көрсеткіштері туралы ағымдағы деректерді қорытындылау және сыни талдау.

Әдістері: Соңғы 10-15 жылда жарияланған әдебиеттер (PubMed, Scopus, clinicaltrials.gov) талданды. Зерттеулерге рандомизацияланған бақыланатын зерттеулер, метаанализдер, проспективті және ретроспективті сериялар енгізілді.

Нәтижелері: HIPEC-тің интервалдық циторедукция кезінде қолданылуы жатыр жұмыртқалықтың жайылған қатерлі ісігі бар науқастарда рецидивсіз және жалпы өмір сүру ұзақтығын жақсартатыны көрсетілді. Бірқатар ірі зерттеулерде алғашқы платинаға сезімтал рецидив кезінде жалпы өмір сүру ұзақтығы артқаны анықталды, алайда басқа рандомизацияланған зерттеулер мұндай нәтижелерді растамады. Бұл әдісті қолдану көрсеткіштерін нақтылау қажеттілігін көрсетеді.

Қорытынды: HIPEC – стандартты терапияны толықтыратын перспективті тәсіл, әсіресе жатыр жұмыртқалықтың III сатысындағы эпителиалдық қатерлі ісік пен платинаға сезімтал рецидивтері бар науқастар үшін. Дегенмен, жоғары уыттылық, бірыңғай хаттамалардың болмауы және жоғары құны шектеуші факторлар болып табылады.